មុនឈានដល់ការអនុវត្ត ផ្ទៃទាំងអស់ត្រូវមានសភាពស្អាតនិងរាបស្មើ។ ផ្ទៃដែលនឹងត្រូវអនុវត្តអាចមានសភាពសើមក៏បាន ប៉ុន្តែមិនត្រូវមានទឹកដក់ជាប់ឡើយ។  សូមធ្វើការសម្អាតចេញនូវរាល់កម្ទេចធូលី ប្រេងឬខ្លាញ់ និងសារធាតុគីមីនានាពីលើផ្ទៃដែលត្រូវអនុវត្ត។ ចំណែកឯផ្ទៃបេតុងវិញគួរមានការសម្អាតដោយប្រើប្រាស់នូវម៉ាស៊ីនឬឧបករណ៍សម្អាតនានា។ ដើម្បីលាយល្បាយបានត្រឹមត្រូវ សូមធ្វើការវាស់តាមបែបសមាមាត្រនៃសមាសធាតុ A និង B ចូលទៅក្នុងធុងស្អាត។ ក្រោយមក សូមធ្វើការលាយដោយប្រើប្រាស់នូវម៉ូទ័រភ្ជាប់នឹងស្លាបព្រាលាយ ក្នុងល្បឿនយឺតចន្លោះពី ៤០០ ទៅ ៦០០ ជុំក្នុងមួយនាទី ឬប្រើនូវដងក្តារកូរលាយឲ្យសព្វយ៉ាងតិច ៣ នាទី។

បន្ទាប់ពីលាយរួច សូមធ្វើការលាប Sikagard® 62 ដោយប្រើច្រាសឬការបាញ់ពីលើ។ មួយវិញទៀត សូមលាបលើផ្ទៃឲ្យបានយ៉ាងតិច ២ ជាន់។ សូមធ្វើការលាបថ្នាំជាលើកទី ២ បន្ទាប់ពីការលាបដំបូង ក្នុងចន្លោះពេល ៤៨ ម៉ោង ដោយមិនត្រូវលើសពីនេះ។

ដើម្បីសុវត្ថិភាពក្នុងការប្រើប្រាស់ សូមប្រើប្រាស់នូវឧបករណ៍ការពារត្រឹមត្រូវកំឡុងពេលអនុវត្តប្រើប្រាស់។ មួយវិញទៀត សូមកុំចាក់ចោលកាកសំណល់ផលិតផលនេះចូលក្នុងប្រភពទឹកស្អាត លូបង្ហូរទឹក បឹង ឬទន្លេ។