មុនពេលអនុវត្តការលាបផ្ទៃ សូមធានាថាផ្ទៃមានសភាពរាបស្មើនិងមាននូវកម្លាំងបង្ហាប់គ្រប់គ្រាន់ជាមួយនឹងកម្លាំងទាញអប្បបរមា ១.៥ N/mm2។ ផ្ទៃដែលនឹងត្រូវលាបនោះត្រូវមានសភាពស្អាត គ្មានជាតិប្រេងឬខ្លាញ់ កម្ទចធូលី និងសារធាតុគីមីនានាឡើយ។ រាល់បេតុងដែលមានសភាពខ្សោយត្រូវមានការយកចេញនិងជួសជុលឲ្យបានត្រឹមត្រូវ។ ការជួសជុលទៅបានដោយប្រើប្រាស់ផលិតផលដែលសមស្របដូចជាប្រភេទផលិតផល Sikafloor® Sikadur® និង Sikagard®។ សូមសម្អាតផ្ទៃបេតុងឬផ្ទៃស៊ីម៉ង់ត៍ដោយប្រើប្រាស់ជក់ ឧបករណ៍បូមធូលីឬឧបករណ៍សមស្របសម្រាប់ដំណើរការសម្អាតផ្ទៃ។

មុនពេលការលាយថ្នាំ សូមកូរផ្នែក A ឲ្យសព្វមុនចាក់បញ្ចូផ្នែក B។ នៅពេលដែលផ្នែក B ទាំងអស់ត្រូវបានបន្ថែមទៅផ្នែក A បន្តលាយគ្នារយៈពេល ៣ នាទីរហូតដល់សព្វ។ ដើម្បីធានាបាននូវការលាយបញ្ចូលគ្នាបានសព្វ សូមចាក់ចូលទៅក្នុងធុងមួយផ្សេងទៀតនិងលាយម្តងទៀតដើម្បីទទួលបាននូវល្បាយដែលស៊ីគ្នា។ សូមជៀសវាងការលាយហួសកម្រិតដើម្បីកាត់បន្ថយការចូលខ្យល់ក្នុងល្បាយ។

ដើម្បីសុវត្ថិភាពក្នុងការប្រើប្រាស់ សូមប្រើប្រាស់នូវឧបករណ៍ការពារត្រឹមត្រូវកំឡុងពេលអនុវត្តប្រើប្រាស់។ មួយវិញទៀត សូមកុំចាក់ចោលកាកសំណល់ផលិតផលនេះចូលក្នុងប្រភពទឹកស្អាត លូបង្ហូរទឹក បឹង ឬទន្លេ។