មុននឹងអនុវត្តការលាប សូមធ្វើការសម្អាតផ្ទៃឲ្យបានស្អាត មានសភាពរាបស្មើនិងមានកម្លាំងសម្ពាឌគ្រប់គ្រាន់។ មួយវិញទៀត ផ្ទៃដែលត្រូវអនុវត្តមិនត្រូវឲ្យមាននូវកម្ទេចធូលី ខ្លាញ់ឬប្រេង សារធាតុគីមីនានា។ល។ ផ្ទៃបេតុងដែលមានសភាពខ្សោយត្រូវធ្វើការសម្អាតចេញនិងជួសជុល។ សម្រាប់ការជួសជុល សូមប្រើប្រាស់នូវផលិតផលសមស្របដូចជា Sikafloor® Sikadur® និង Sikagard®  ជាដើម។ ម៉្យាងវិញទៀត ផ្ទៃបេតុងនិងផ្ទៃនានាត្រូវលាបទឹកថ្នាំទ្រនាប់មុនអនុវត្តជាមុនសិន។

សូមធ្វើការលាយទឹកថ្នាំ Sikafloor® 263 SL HC ទាំងពីរផ្នែកចូលគ្នាឲ្យសព្វដោយប្រើប្រាស់ឧបករណ៍លាយឬឧបករណ៍សមស្របនានា។ បន្ទាប់មកធ្វើការចាក់ទៅលើផ្ទៃឲ្យបានសព្វ និងលាបដោយប្រើប្រាស់ជក់មូរឬឧបករណ៍ដែលសមស្របសម្រាប់ការអនុវត្តលាបនេះ។ ក្រោយពីចាក់លាបល្បាយថ្នាំរួចមក សូមលាបផ្ទៃឲ្យមានសភាពរាបស្មើលើផ្ទៃដើម្បីទទួលបាននូវលក្ខណៈរលោងគួរជាទីគាប់ចិត្ត។

ដើម្បីសុវត្ថិភាពក្នុងការប្រើប្រាស់ សូមប្រើប្រាស់នូវឧបករណ៍ការពារត្រឹមត្រូវកំឡុងពេលអនុវត្តប្រើប្រាស់។ មួយវិញទៀត សូមកុំចាក់ចោលកាកសំណល់ផលិតផលនេះចូលក្នុងប្រភពទឹកស្អាត លូបង្ហូរទឹក បឹង ឬទន្លេ។